Бањи (Слатино)

Бањи или Бигори — археолошко наоѓалиште во селото Слатино во областа Дебрца претставува населба од римско време.^[1][2]

„Бањи - Бигори“
Местоположба	41°20′53″N 20°51′59″E
Основни податоци
Место	Слатино
Општина	Дебрца
Тип	населба
Период	римско време
Портал „Археологија“

Се наоѓа на 700 м западно од селото, во близината на Слатинско Езеро, на јужната падина од висорамнината, јужно од денешната ограда на црквата „Св. Јован Бигорски“ („Св. Јован Крстител“). На површината се забележуваат основи од ѕидови (исток-запад) градени од бигор. Не ретко се среќаваат фрагментирани и цели печени тули со поголеми димензии. Од ова наоѓалиште потекнува и едно мермерно торзо — женска статуа, како и еден капител кој најверојатно му припаѓал на соседното наоѓалиште Св. Јован „Бигорски“. Евидентиран е и податок дека во близината бил откриен хипокауст (според кажувањата на мештаните.^[3]

Поврзано

• Градиште — утврдена населба од доцноантичкото време и раниот Среден век;
• Избичани — средновековна населба;
• Калуѓероец — средновековен сакрален објект;
• Св. Јован Бигорски — раносредновековна црква;
• Селце — средновековна населба;
• Слатино;
• Список на археолошки наоѓалишта во Дебрца;
• Список на средновековни некрополи во Македонија.