Бифора

Бифора (италијански: bifora) — вид на прозорско окно вертикално поделено на два еднакви дела. Секој дел е натсводен со лак, а понекогаш и целата бифора со еден дополнителен лак, при што во просторот меѓу двата помали лакови и големиот лак често се наоѓаат декоративни елементи.

Бифора во црквата Св. Ѓорѓи во Козјак

Нивната помасовна употреба во градителството почнува во времето на романиката, а во времето на готиката омилени биле тесни елегантни бифори, главно на црковните камбанарии. Во XII век бифорите се јавуваат во ерменската, а потоа и во исламската архитектура.

Бифорите се задржале и во ренесансата, а потоа излегуваат од мода. Се враќаат во XIX век, во времето на историзмот и возобновата на готиката и романиката.

Овој вид прозорска рамка често се користел за градба на камбанарии.

Поврзано

• Монофора
• Трифора
• Квадрифора