Брадавица

Оваа статија се однесува на/за испакнатоста на врвот на дојката. За малите вирусни испапчени израстоци, погл. Брадавици.

Брадавица (латински: papilla mammae) — испакнатост на врвот на дојката каде што се отвораат порите на млечните жлезди. Брадавицата е опкружена со ареола, која често има потемна боја од остатокот од околната кожа.^[1][2] Кај жените, на крајот од бременоста и за време на доењето, мајчиното млеко се лачи од млечната жлезда, кое може пасивно да тече низ брадавицата или може да се исфрли со собирање на мазните мускули.

Брадавица
Брадавица на женска града
Брадавица на машка града
Податоци
Назнаки
Латински	papilla mammaria
TA	A16.0.02.004
FMA	FMA:67771
[уреди на Википодатоците]

Кај луѓето, брадавиците на мажите и на жените можат да се стимулираат како дел од половата возбуда. Во многу култури, женските брадавици се сексуализирани или гледани како сексуални објекти и ценети во однос на нивните физички одлики и сексуална привлечност.^[3][4]

Анатомија

Брадавицата е мала испакнатост на кожата на дојката, на кое има мали отвори во кои се отвораат од 15 до 20 канали на млечната жлезда, распоредени цилиндрично околу врвот.

Просечната испакнатост на женските човечки брадавици е 10 мм.^[5]

Брадавиците на мажите и жените се менуваат во текот на нивниот живот, па оваа промена може да се очекува и да се смета за нормална. Некои неочекувани промени можат да вклучуваат: набрчкување на кожата на брадавицата, чешање на брадавиците, брадавицата е топла на пипање, црвена или болна, кожата околу брадавицата се лупи, кожата е нечиста со големи пори, брадавиците се искривени или превртени.

Ерекција на брадавиците

За време на половата возбуда, како и за време на фазата на овулација, може да се забележи појава на ерекција и чувствителност на брадавиците. Ерекцијата на брадавиците е предизвикана од собирањето на мускулните влакна сместени во неа и, за разлика од ерекцијата на дразницата, не е поврзана со крвотокот.^[6][7][8]