Буххолц (шума)

Шумскиот округ Буххолц — една од двете слободни области во сојузната покраина Шлезвиг-Холштајн (другата е Саксонската Шума).

Буххолц Buchholz
Местоположба на Буххолц во округот Зегеберг, светлоцрвената е општинската заедница Лецен
Слободна област
Местоположба:	Зегебершка шума
Покраина:	Шлезвиг-Холштајн
Округ:	Зегеберг
Општ. заедница:	Лецен
Површина:	40,92 км²
Население:	ненаселена (само услужни градби)
Поштенски број:	23812
Повикувачки број:	04320
Администрација:	услужби градби Шумски округ Буххолц 23812 Гласхите

Географија

Буххолц зафаќа површина од околу 41 км², сместен на околу осум километри западно од Бад Зегеберг на покраинскиот пат Б206 кон Бад Брамштет.

Во шумскиот округ, кој е сместен во Зегебершката Шума, не постојат станбени градби, туку само услужни градби на шумската администрација.

Слободната област припаѓа на општинската заедница Лецен во округот Зегеберг.

Населените делови на шумскиот округ Буххолц припаѓаат како ексклави на општините Барк, Хартенхолм, Хајдмилен и на градот Валштет.^[1]

Површина

Областа се состои од 95% шума, три проценти земјоделска површина, 1,4 проценти отпаѓа на патишта и друг. На југ поминува покранскиот пат Б206 низ шумата. Покрај него, низ областа поминуваат и два окружни патишта.^[2]:

Површина 31 декември 2004	Хектари	Проценти
Шума	3882	94,9
Земјоделска површина	122	3,0
Голети	23	0,6
Патишта	59	1,4
Станбени градби	1	0,02
Претпријатија	0	0,00
Водотеци	2	0,1
Без употреба	3	0,1
Вкупно	4092	100,0

Соседни општини

Општините и слободната област Буххолц во округот Зегеберг

Шумскиот округ се граничи со следниве општини, започнувајќи со Хазенмор и движејќи се надесно:

• Хазенмор (запад)
• Хајдмилен (север)
• Риклинг (североисток)
• Валштет (исток)
• Барк (југ и југоисток)
• Хартенхолм (југ и југозапад)