Бушизми

Бушизми (англ. Bushism) се нарекуваат многубројните необични зборови, фрази, малапропизми, семантички и јазични грешки кои се случуваат во текот на јавните говори на поранешниот претседателот на САД, Џорџ В. Буш.^[1][2] Овој израз станал дел од народниот фолклор и се користи во многу книги и блогови, често, за да се карикира овој претседател на САД.

Џорџ В. Буш

Особености

Некои од вообичаените одлики на бушизмите вклучува:

• користење на зборови кои звучат како наменетите зборови но не одговараат на контекстот (малапропизам) како што се „нукуларни гаќи“ (nucular power pants) наместо „атомски централи“ (nuclear power plants)^[3] или целосна промена на значењето на реченица како користење на зборот „девалвација“ (devaluation) наместо „дефлација“ (deflation).^[4]

• создавање на неологизми како што е „такуларен“ (tacular)^[5][6][7] — спојување на „тактичен“ и „јадрен“.

• повремено користење на спунеризми како што е „пешани мораки“ (mexed missages) наместо „мешани пораки“ (mixed messages) и „териери и барифи“ (terriers and bariffs) наместо „бариери и тарифи“ (barriers and tariffs).^[8]

• народна множина (плурализација) на познати изрази („suiciders“,^[9] и „internets“^[10][11]).

• користење на неформален јазик за да ја опишува својата работа: „Јас сум момче−заповедник“ (I'm a commander guy).^[12][13]

• излишна или чудна конструкција на реченици како на пример „Имавме прилика да ја посетиме Тереса Нелсон која е родител и мама или тате.“ (We had a chance to visit with Teresa Nelson who's a parent, and a mom or a dad).^[14]

• објаснување на очигледното: „Почитувам одржување. Тоа е она што правиш кога се кандидираш за претседател, мора да се одржуваш.“ (I appreciate preservation. It's what you do when you run for president, you've got to preserve.).^[15]