Весна Димитровска - Бобевска

Весна Димитровска - Бобевска — (р. 2 мај 1966 година) - македонска театарска, филмска и телевизиска глумица која живее и работи во Велес.

Весна Димитровска
Роден	2 мај 1966(1966-05-02) (59 г.) Титов Велес, СР Македонија, СФРЈ
Националност	Македонка
Народност	Македонка
Познат	по улогите во: Македонски народни приказни Проколнати Крчма на патот кон Европа
Занимање	глумица

Животопис

Весна Димитровска - Бобевска е родена на 2 мај 1966 година во Велес. Дипломирала на академијата за драмски уметности во Софија, Бугарија во класата на Александар Илиев. Вработена е во народниот театар „Јордан Х.К.- Џинот“ од 1990 година. Особено значајна е нејзината улога Поликсена во „Дом за птици “ за која добива специјална награда од публика на фестивалот за античка драма Стоби^[1]. Значителни успеси постигнува и во филмската област каде што со својот филм „Пресвета Богородице спаси не“^[2] ја претставува Македонија на фестивали во Источна Европа и има освоено две меѓународни награди^[3]. Бобевска учествувала и на фестивали во Њујорк, Монтреал, Берлин, Канада, Куба, Мароко, Италија, Ерменија, Украина, Русија, Белорусија итн. Има гостувано и низ многу театри во Македонија како што се: Штипскиот, Прилепскиот и Струмичкиот театар.

Бобевска е оснивач на аматерската театарска трупа „Словото“^{[4] [5]}со која подготвува претстави за млади и има учествувано на повеќе фестивали во и надвор од Македонија.

Филмографија

Димитровска ги остварила филмските улоги:^[6]

Година	Филм	Улога
1994	Проколнати ТВ-филм	Даскалицата
1995	Заборавени ТВ-филм	Асистентката
1998	Денес, утре ТВ-филм	Службеничка
1998	На Балканот не се пие чај ТВ-филм
2000-2001	Во светот на бајките ТВ-серија
2002	Наше маало ТВ-серија	Елвира
2003	Последниот фалцер ТВ-филм	Дили
2005	Крчма на патот кон Европа ТВ-филм	Сара
2010	Жарче ТВ-филм	Маќеата
2011	Турни ме да Кинисам ТВ-серија	Кате
2011-2014	Македонски народни приказни ТВ-серија
2013	Старо купуем ТВ-филм
2013-2014	Тврдокорни ТВ-серија	Бабицата Благица
2014	Приказни од животот ТВ-серија	Ена
2015-2017	Македонски народни приказни ТВ-серија
2018	Заразената област Мара и Жарко ТВ-филм	Мајката и Игор
2019	Донка ТВ-филм
2025	Македонски стари приказни ТВ-серија
2025	Враќање во иднината ТВ-серија

Театарски фестивали

• Чувашка република во Чебоксар

• „Златен витез“ во градот Томск, западен Сибир

• „Радонеж“ во Москва, Русија

• „Магнификат“ во Минкс, Белорусија “Златна ракла“-Бугарија

• Cine Pobre Film Festival Prix Europa - Германија

• The world film festival - Канада

• WorldFest - Хјустон

• International Festival “Vidlunnya-2000” - Украина

• ATABAT- Мароко

• Festival di Viterbo - Италија

• Festival Teatro S'Arza-Сардинија - Италија

• „Golden Apricot” Yerevan International Film Festival - Ерменија

• Golden Rose - Швајцарија и други фестивали

Награди

• Две меѓунарони награди во Русија и Белорусија за филмот „Пресвета Богородице спаси не“

• Специјална награда од публиката за улогата Поликсена од „Дом за птици“ на Стоби во 2006 година.

• Деветоноемвриска награда од град Велес