Ветрен

Ветрен — село во Општина Делчево, во областа Пијанец, во околината на градот Делчево. Северните маала на селото се сместени во истоименото село во Бугарија, со што тоа претставува единствено населено место кое е поделено меѓу двете земји.

Оваа статија се однесува на село во Општина Делчево. За останати значења, погл. Ветрен (појаснување).

Ветрен
Влез во маало на селото
Ветрен Местоположба на Ветрен во Македонија Ветрен на карта
Координати 42°00′23″N 22°45′08″E
Регион	Источен
Општина	Делчево
Област	Пијанец
Население	80 жит. (поп. 2021)[1]
Пошт. бр.	2320
Повик. бр.	033
Шифра на КО	09002
Надм. вис.	910 м
Ветрен на општинската карта Атарот на Ветрен во рамките на општината
Ветрен на Ризницата

Географија и местоположба

Ветрен се наоѓа во северниот дел на територијата на Општина Делчево и граница на неговиот атар делумно претставува државната граница со Бугарија. Селото е планинско и е сместено на надморска височина од 910 метри. Селскиот атар зафаќа површина од 14,8 км².^[2]

Историја

Во почетокот на XX век, Ветрен било село во Малешевската каза на Отоманското Царство.

Само 1 жител на оваа населба е заведен како жртва во Втората светска војна.^[3]

Стопанство

Селото има мешовита земјоделска функција. Во неговиот атар, обработливото земјиште се простира на површина од 542,7 ха, шумите се на површина од 527,8 ха, додека на пасишта отпаѓаат 347,4 ха.^[2]

Население

Население во минатото

Година Нас. ±% 1948 466 —     1953 515 +10.5% 1961 464 −9.9% 1971 310 −33.2% 1981 248 −20.0%	Година Нас. ±% 1991 170 −31.5% 1994 169 −0.6% 2002 114 −32.5% 2021 80 −29.8%

Според статистиката на Васил К’нчов („Македонија, Етнографија и статистика“) од 1900 година, во Ветрен живееле 96 жители, сите Македонци христијани.^[4] По податоците на секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во селото имало 104 жители Македонци.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.^[6]

Според пописот на населението на Македонија од 2002 година, селото има 114 жители, сите Македонци.^[7]

Според последниот попис од 2021 година, во селото живееле 80 жители, од кои 69 Македонци и 11 лица без податоци.^[8]

Во табелата во продолжение е прикажано вкупното население и етничка припадност во Ветрен:^[9]

Година	Македонци	Срби	Ост.	б.п.	Вкупно
1948	—	—	—	—	466
1953	514	1	0	—	515
1961	464	0	0	—	464
1971	309	1	0	—	310
1981	246	1	1	—	248
1991	169	1	0	—	170
1994	167	2	0	—	169
2002	114	0	0	—	114
2021	69	0	0	11	80

* Извор: Државен завод за статистика на Република Македонија (1948-2021), според податоци од официјалните пописи во соодветните години.

Самоуправа и политика

Селото влегува во составот на Општина Делчево од 1952 година.

Во периодот 1950-1952, селото било дел од општината Киселица во склоп на Делчевската околија.

Избирачко место

Во селото постои избирачко место бр. 0594 според Државната изборна комисија.^[10]

На локалните избори во 2017 година, на ова избирачко место биле запишани вкупно 94 гласачи.^[11]

На претседателските избори во 2019 година, на ова избирачко место биле запишани вкупно 86 гласачи.^[12]

Галерија

• 
  Стара куќа во селото
• 
  Куќи во селото

Поврзано

• Ветрен — село во Бугарија