Висои (Беранци)

Висои — археолошко наоѓалиште во битолското село Беранци. Претставува тумул од железно време. Се наоѓа на 17 км од Битола и на околу 300 м од левата страна на стариот пат Битола — Прилеп, на тромеѓата помеѓу селата Црнобуки, Могила и Беранци. Овде уште во 1954 година се пронајдени три тумули подредени во еден правец и оддалечени еден од друг од 300 до 500 м. Со рилањето на теренот, на најголемата могила биле откриени гробови со камени плочи, поради што истата година е извршено заштитно ископување. Најдени се 47 гробови од камени плочи - тип циста, радијално распоредени, опкружени со сувоѕидан прстен од камен и централен гроб на средината кој е временски постар. Наодите се чуваат во Заводот и музеј во Битола.^[1]

„Висои“
Местоположба	41°09′32″N 21°21′35″E
Основни податоци
Место	Беранци
Општина	Могила
Тип	тумул
Период	железно време
Портал „Археологија“

Поврзано

• Воден Дол — некропола од римско време;
• Грабечка Река — населба од хеленистичко и римско време;
• Градиште — населба од доцноантичко време;
• Женски Дол — некропола од доцноантичко време;
• Плочи — населба и некропола од римско време;
• Ристов Кладенец — некропола од доцноантичко време;
• Црквиште — некропола од раноантичко и хеленистичко време;
• Шукаловец — населба од римско време;
• Беранци;
• Список на археолошки наоѓалишта во Битолско;