Црквиште (Беранци)

Црквиште — археолошко наоѓалиште во битолското село Беранци. Претставува некропола од раноантичко и хеленистичко време. Се наоѓа на 2 км источно од селото и на 16 км северно од Битола, непосредно до автопатот Битола — Прилеп, каде на релативно мал простор имало голема концентрација на гробови од кои Музејот од Битола] истражил околу 70. Некрополата егзистирала од крајот на VI до средината на III век пред н.е. и во неа се пронајдени повеќе типови на гробни конструкции, со големи разлики во димензиите, како и во насоченоста. Најстарите гробови на местото познато како Петилеп, кои потекнуваат од крајот на VI век пред н.е., се вкопувани на поголемо растојание еден од друг, и тоа претежно во југозападниот дел на просторот. Подоцна, околу нив биле вкопувани помладите гробови од V до III век пред н.е., при што се забележува дека во IV век биле групирани во помали или поголеми групи. Во гробовите од архајскиот и класичниот период се пронајдени кремирани покојници, додека од оние од III век едни се со кремирање, други со скелетно погребување, и тоа во масивни конструкции. Гробовите од хеленистичкото време се ѕидани од тули и во нив остатоците од кремираните мошти заедно со накитот биле поставувани во едниот крај, а керамичките садови и другите прилози по целиот простор на гробот. Наодите се наоѓаат во Заводот и музеј во Битола.^[1]

„Црквиште“
Местоположба	41°09′32″N 21°21′35″E
Основни податоци
Место	Беранци
Општина	Могила
Тип	некропола
Период	раноантичко време
	хеленистичко време
Портал „Археологија“

Поврзано

• Висои — тумул од железно време;
• Шукаловец — населба од римско време;
• Женски Дол — некропола од доцноантичко време;
• Ристов Кладенец — некропола од доцноантичко време;
• Воден Дол — некропола од римско време;
• Грабечка Река — населба од хеленистичко и римско време;
• Градиште — населба од доцноантичко време;
• Плочи — населба и некропола од римско време;
• Беранци;
• Список на археолошки наоѓалишта во Битолско;