Вистината преовладува

Вистината преовладува (чешки: Pravda vítězí) е националното гесло на Чешката Република, кое е испишано на банерот на чешкиот претседател и истото е наведено во чешкиот устав.^[1]

Банрот на чешкиот претседател.

Потекло и значење

Геслото е напишано и на споменикот Јан Хус во Прага. Денес се верува дека истото потекнува од фразата на Јан Хус: „Барај ја вистината, слушни ја вистината, научи ја вистината, сакај ја вистината, зборувај ја вистината, држи сè до вистината и брани ја вистината до смрт“.^[2] „Вистината преовладува“ било усвоено како гесло од првиот претседател на Чехословачка Томаш Масарик во 1918 година.^[2]

Концептот на вистината има долга традиција во чешката политичка мисла. Јан Хус и Јан Амос Комениј ја поврзале вистината со теолошките аспекти, додека етичките погледи на Масарик биле поставени наспрема лагата.^[3]