Вода (филм)

Вода (англиски: Water) е канадски филм од 2005 година номиниран за Оскар а режиран од Дипа Мехта. Филмот ги истражува животите на вдовици во ашрам во Варанаси, Индија во 1938 година. Воедно, филмот е третиот дел од поврзана трилогија на Мехта, на кој му претходат „Оган“ (1996) и „Земја“ (1998).

„Вода (Water)“
Режисер	Дипа Мехта
Продуцент	Дејвид Хамилтон
Сценарист	Дипа Мехта
Главни улоги	Лиса Реј Џон Абрахам Сима Бисвас Сарала Каријавасам Ваеда Реман
Жанр	драма
Музика	Мајкл Дана
Дистрибутер	Fox Searchlight Pictures ]] Mongrel Media
Премиера	8 септември 2005
Земја	Канада
Јазик	англиски индиски
Бруто-заработка	$10.4 милиони[1]
Претходен	Оган (филм) (1996) Земја (филм) (1998)

Својата премиера филмот ја имал на Меѓународниот филмски фестивал во Торонто (2005), каде бил претставен на отворањето на фестивалот. На редовен репертоар во Канада почнал да се прикажува во ноември таа година а во Индија почнал да се прикажува во мај, 2007 година.

Синопсис

Приказната во „Вода“ е поставена за време на периодот на британското владеење во 1938 година, кога Индија е сѐ уште дел од колониите на Британија.

Според Хинду традицијата од тој период, бракот помеѓу млади девојчиња и постари мажи бил нормален во некои делови на Индија. Кога сопругот во православно Хинду семејство ќе почине, неговата млада вдовица била праќана во таканаречен ашрам за вдовици за да се искупи за гревовите од нејзиниот претходен живот, кои наводно ја предизвикале смртта на нејзиниот сопруг.