Бугарски воени гробишта (Цапари)

Бугарските воени гробишта во подпелистерското село Цапари биле подигнати за време на Првата светска војна, кога таму биле погребани 214 бугарски војници и офицери кои загинале во битката на Пелистер. Гробиштата се наоѓаат северозападно од црквата „Свети Ѓорѓи“.

Бугарските воени гробишта во Цапари

Гробиштата биле во урнатини многу години, но биле обновени во 2004 година кога гробиштата станале и првите официјално признати бугарски воени гробишта во Република Македонија. Седумте споменици на бугарските офицери закопани во дворот на црквата „Свети Ѓорѓи“ се едни од ретките сочувани од илјадници бугарски офицерски споменици на територијата на денешна Република Македонија.^[1]