Волофски јазик

Волофски јазик или волоф — нигер-конгоански јазик кој се зборува претежно во Сенегал, Гамбија и Мавританија. Ова е мајчин јазик на народот Волоф. Тој е дел од подгрупата на сенегамбиски јазици, заедно со фуланскиот и серерскиот јазик. Овој јазик не е тонски.

За други значења на поимот „Волоф“ видете ја страницата за појаснување.

Волофски јазик
Застапен во	Сенегал, Гамбија, Мавританија
Народ	Волоф, Лебу
Говорници	4,2 милиони  (2006)
Јазично семејство	нигер-конгоанско атлантско-конгоански сенегамбиски волофско-њунски волофски јазик
Писмо	волофска азбука
Статус
Регулативен орган	Центар за применета лингвистика во Дакар
Јазични кодови
ISO 639-1	wo
ISO 639-2	wol
ISO 639-3	или: wol — волофски wof — гамбиско-волофски

Волофскиот потекнувал како јазик на народот Лебу.^[1][2] Овој е најзборуван јазик во Сенегал, поточно од околу 40% од населението.

Географска распространетост

Волоф се зборува од над 10 милиони луѓе. Околу 40% (или 5 милони) од населението на Сенегал се Волоф и зборуваат волофски. Јазикот се користи за меѓусебна комуникација меѓу различните народи во Сенегал, а особено во и околу градот Дакар. Јазикот не е службен во Сенегал, бидејќи во државата службен е само францускиот.

Во Гамбија околу 3% од населението зборува волоф. Сепак, бројот на говорници на волоф во главнипт град Банџул е поголем, и таму 25% од населението зборува на волоф. Сепак, службен јазик во државата е англискиот, а околу 40% од населението зборуваат мандинка.

Околу 7% од населението на Мавританија зборуваат волофски, или 185.000 жители. Овој јазик се користи во јужниот крајбрежен регион.

Класификација

Волоф е еден од сенегамбиските јазици, кои се познати по мутација на согласки. Често се вели дека јазикот е тесно сврзан со фуланскиот, но ова било како погрешно читање на податоците од Сапир (1971) од страна на Вилсон (1989). Сепак, според Седерер (2009, 2010) јазикот не е сличен со фуланскиот, туку тој наоѓа неколку помали јазици посродни со волофскиот, и тие јазици се зборуваат на реката Касаманс.^[3]

Писмо

Главна статија: Волофска азбука

Волофски јазик
Писмо	латиница
Пример	Прв член од „Декларацијата за човекови права“
Текст	Doomi aadama yépp danuy juddu, yam ci tawfeex ci sag ak sañ-sañ. Nekk na it ku xam dëgg te ànd na ak xelam, te war naa jëflante ak nawleen, te teg ko ci wàllu mbokk.
Македонски	Сите човечки суштествa се раѓaaт слободни и еднакви по достоинство и правa. Tиe се обдарени со разум и совест и требa да се однесувaaт еден кон друг во дуxот на општо човечкaтa припaдност.
Портал: Јазици

Најчесто јазикот се пишува на латиница. Латиницата била стандардизирана со владин акто во периодот од 1971 до 1985 година. Правописот е фонетски и еден глас одговара на една буква. Јазикот се пишувал и на арапско писмо, особено до колонизацијата. Денес некои луѓе сè уште користат арабица. Латиничната азбука е:

A a B b C c D d E e Ë ë F f G g I i J j K k L l M m N n Ñ ñ Ŋ ŋ O o P p Q q R r S s T t U u W w X x Y y

Поврзано

• Портал: Јазик

• Нигер-конгоански јазици
• Фулански јазик
• Серерски јазик