Дакар

Дакар е главен град на Сенегал, сместен на Капвертскиот Полуостров, на брегот на Атлантскиот Океан. Неговата позиција на западниот раб на Африка (тој е најзападен африкански град) е погодна точка за трансатлантската и европската трговија. Овој факт го потпомогна развивањето на градот во главно регионално пристаниште.

Дакар

За релито Дакар, видете Рели Дакар. За израелската подморница, видете INS Дакар.

Во 2023, населението на метрополитенската област било проценето на 2,4 милиони луѓе, од кои 1,278,469 се постојани жители на Дакар.^[1] Овој град е главен административен центар, дом на Народното собрание на Сенегал и Сенегалската претседателска палата.