Генади Болиновски

Генади Болиновски (3 јули 1930, Галичник, Кралство Југославија) — македонски поет и раскажувач.

Животопис

Генади Болиновски е роден во Галичник на 3 јули 1930 година. Се школувал во родното место за гимназијата ја завршил во Скопје, каде и дипломирал на Филолошкиот факултет.^[1] Потоа работел како новинар и бил уредник во Македонската радио-телевизија. Тој бил член на ДПМ од 1957 година.

Творештво

Болиновски е автор на книгите:^[1]

• Лирски трепети (поезија, 1954),
• Јас и песната (поезија, 1957),
• Гостинчиња (раскази за деца, 1958),
• Огледалца (раскази за деца, 1959),
• Мите сонува (роман за деца, 1961),
• Дете и птица (раскази за деца, 1964),
• Триптихон (сонетен венец, 1971),
• Акрослов (поезија, 1982),
• Растење (поезија, 1984),
• Лузни на заборавот (раскази за деца, 1986),
• Игра на прозорец (1990)
• Геболини (поезија, 1995).

Во 1985 година, за стихозбирката „Растење“ ја добил наградата на Струшките вечери на поезијата за најдобра книга за деца.^[1]