Гнилеш

Гнилеш или Гнилеж — село во Општина Новаци, во околината на градот Битола.

Гнилеш
Гнилеш Местоположба на Гнилеш во Македонија Гнилеш на карта
Координати 41°0′46″N 21°35′8″E
Општина	Новаци
Население	2 жит. (поп. 2021)[1]
Шифра на КО	02023
Надм. вис.	894 м
Гнилеш на општинската карта Атарот на Гнилеш во рамките на општината
Гнилеш на Ризницата

Географија и местоположба

Селото е ридско на јужните огранки на Селечка Планина, сместено на надморска височина од 894 метри, а од Битола е оддалечено 26 километри.

Во атарот на Гнилеш, на околу 4,5 км северно од селото се наоѓало поранешното село Ченгел.

Историја

Во XIX век селото било дел од Битолската каза на Отоманското Царство.

Италијански логор кај Гнилеш за време на Првата светска војна во 1917 година

Во 2014 г. името на дотогашното Гнилеж официјално му е сменето во Гнилеш.^[2]

Население

Население во минатото

Година Нас. ±% 1948 147 —     1953 170 +15.6% 1961 165 −2.9% 1971 77 −53.3% 1981 23 −70.1%	Година Нас. ±% 1991 6 −73.9% 1994 6 +0.0% 2002 5 −16.7% 2021 2 −60.0%

Според статистиката на Васил К’нчов („Македонија, Етнографија и статистика“) од 1900 година, во Гнилеж живееле 130 жители, сите Македонци.^[3] Според егзархискиот секретар Димитар Мишев („La Macédoine et sa Population Chrétienne“), во 1905 година во Гнилеш имало 128 Македонци, под врховенството на Бугарската егзархија.^[4]

На Етнографската карта на Битолскиот Вилает од 1901 г. Гнилеш се води како чисто македонско село во Битолската каза на Битолскиот санџак со 16 куќи.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.^[6]

Според пописот од 2002, селото брои само 5 жители, сите Македонци.^[7]

Според последниот попис од 2021 година, во селото живееле 2 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	130	128	147	170	165	77	23	6	6	5	2

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Општествени установи

Самоуправа и политика

Избирачко место

Селото е опфатено во избирачкото место бр. 166 според Државната изборна комисија, сместени во просториите на приватен објект.^[12]

На претседателските избори во 2019 година, на ова избирачко место биле запишани вкупно 28 гласачи.^[13]

Културни и природни знаменитости

Редовни настани

Личности

Култура и спорт

Иселеништво