Градиште (Пештани)

Градиште — археолошко наоѓалиште во охридското село Пештани. Претставува каструм (утврден логор) од римско време.

„Градиште“
Крепоста Градиште (на ридот), со Музејот на вода кај езерото
Местоположба	40°59′48″N 20°47′52″E
Основни податоци
Место	Пештани
Општина	Охрид
Тип	каструм
Период	римско време
Портал „Археологија“

Се наоѓа на мал полуостров на Охридското Езеро, на 2,5 км југозападно од селото. Денес тука делумно е распослан современиот автокамп „Градиште“, а во непосредна близина под возвишението е реконструираната наколна населба Залив на Коските.

По површината на зарамнетото плато од најнискиот врв, особено на југоисточната страна, се забележуваат основите на темели од одбранбениот бедем, граден од кршен камен и варов малтер, кои денес се реконструирани, вкучувајќи ја влезната порта.

Ширината на ѕидовите изнесува 1,80 м. Во внатрешноста на тврдината се гледаат остатоци од кули и помали градби, фрагменти од керамички садови, питоси и градежен материјал.^[1]

Поврзано

• Залив на Коските — наколна населба од бронзеното и раножелезното време
• Старо Село — средновековна населба
• Црквиште — средновековна црква
• Џамиште — средновековна црква