Дари

Дари (персиски: دری, Darī,) или дарископерсиски јазик (персиски: فارسی دری, Fārsī-ye Darī) е заеднички поим за источноперсиските дијалекти во Авганистан. Така, оваа група дијалекти се именува и како авганистанско-персиски јазик.^[4][5] Иако всушност е персиски дијалект, сепак се именува како јазик бидејќи бил признаен како таков во 1964 година во Авганистан и станал службен јазик во државата покрај паштунскиот.^[6][7] Дари е најзборуван јазик во Авганистан и истиот е мајчин јазик на околу 50% од вкупното население на државата.^{[4][8][9][10]} Иранските и авганистанските дијалекти на персискиот јазик се доста разбирливи, но постојат одредени разлики во поглед на зборовниот фонд и фонологијата. Јазикот е лингва франка во Авганистан.

Дари
Авсганистанскоперсиски јазик, дарископерсиски јазик دری
Изговор	/dæˈɾi/
Застапен во	Авганистан
Говорници	(околу 15-18 милиони[1] во 1992–2000 г.) Јазикот се зборува од околу 25% до 50% од населението во државата, а го разбираат околу 90% од население.[2] Јазикот исто така го разбираат околу 2,5 милиони во пакистан и Иран.[3]
Јазично семејство	индоевропско индоирански ирански западноирански југозападни персиски дари
Писмо	персиско писмо
Статус
Службен во	Авганистан
Регулативен орган	Академија на науките во Авганистан
Јазични кодови
ISO 639-3	Разни: prs — дари, авганистанскоперсиски aiq — ајмачки haz — хазарашки
Linguasphere	58-AAC-ce (Dari) + 58-AAC-cdo & cdp (Hazaragi) + 58-AAC-ck (Aimaq)

Политички погледи

Самиот народ го именува јазикот како „фарси“, исто како националниот јазик во Иран. Сепак, поради политички причини Авганистан одлучул да го користи името „дари“. Јазикот е службен во Авганистан, заедно со паштунскиот. Името на овој диалект во Авганистан било променето во 1964 година.^[11][12]