Диме Трајковски

Диме Јорданов Трајковски ( 1924 во Црешево — 1945 во Срем) — македонски партизан, борец за слобода на Македонија и учесник во НОВ.^[1]

Диме Јорданов
Роден	1924 година Црешево, Кралство СХС
Починал	16 април 1945 година Срем
Народност	Македонец

Животопис

Израснал во сиромашно семејство. Основно училиште завршил во селото. Се занимавал со земјоделство и чување на добиток. Во септември 1944 година стапил во Шеснаесеттата македонска ударна бригада со која учествувал во сите борби на Бригадата против балистите и Германците на падините на Скопска Црна Гора. По борбите за ослободување на Скопје, учествувал во ликвидирањето на одметнатите балистички банди на Косово, а подоцна со Бригадата заминал во Срем. Бил учесник во големата офанзива на Првата југословенска армија. Во борбите за ослободување на Срем, во првата половина на април 1945 година, храбро загинал во еден судир против германските вооружени сили.^[1]