Доганџи

Доганџи или Дованџи (грчки: Άγιος Αντώνιος, Агиос Андониос; до 1927 г. Δογαντζή, Доганѕи^[2]) — село во Солунско, Егејска Македонија, денес во општината Седес на Солунскиот округ во областа Централна Македонија, Грција. Населението брои 546 жители (2021).

Доганџи Άγιος Αντώνιος
Доганџи
Местоположба во областа Доганџи Местоположба на Доганџи во Солунскиот округ и областа Централна Македонија
Координати: 40°26.12′N 23°5.35′E
Земја	Грција
Област	Централна Македонија
Округ	Солунски
Општина	Седес
Општ. единица	Царево Село
Надм. вис.	&10000000000000303000000303 м
Население (2021)[1]
• Вкупно	546
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа на Халкидичкиот Полуостров, јужно од Солун и јужно од Седес. Лежи на планината Холомонда.

Историја

Боривое Милоевиќ („Јужна Македонија“) вели дека пред Балканските војни Доганџи било турско село, не наведувајќи го бројот на жители.^[3]

По Балканските војни во 1913 г. селото е припоено кон Грција согласно Букурешкиот договор. Таа година населението броело 13 жители, кои во 1920 г. се накачило на 20 лица.^[4] Во 1924 г. населението на Доганџи како турско е иселено во Турција по сила на Лозанскиот договор. На негово место се доселени грчки доселеници — околу 80 % Понд (претежно од селото Агиос Андониос), 25 % Каракачани и 5 % од Тракија. Во 1927 г. е преименувано во Агиос Андониос, по старото село на највеќето дојденци. Во 1928 г. Доганџи е претставено како наполно дојденско село со 9 семејства сочинети од 37 лица.^[5]

Месности во Доганџи преименувани со службен указ на 21 октомври 1969 г.

Име	Грчки	Ново име	Грчки	Опис
Хасапли[6]	Χασαπλή	Халасмата	Χαλάσματα[7]	бивше село на СЗ од Доганџи[6]
Хасапли[6]	Χασαπλή	Корифи	Κορυφή[7]	возвишение на СЗ од Доганџи (399,5 м)[6]
Махмутли[6]	Μαχμουτκλή	Плагиес	Πλαγιές[7]	месност на СИ од Доганџи[6]
Варџилар[6]	Βαρζελάρ	Спитакија	Σπιτάκια[7]	бивше село на Ј од Доганџи[6]
Патели[6]	Πατέλι	Смикси	Σμιξι[7]	месност на Ј од Доганџи[6]
Колауслу[6] или Колаусла	Κολάουσλα	Спита	Σπίτια[7]	поранешно село на ЈИ од Доганџи[6]
Чаири[6]	Τσαΐρια	Дендрулија	Δεντρούλια[7]	месност на Ј од Чели и на ЈИ од Доганџи[6]
Асликија[6]	Άσλίκια	Плеврес	Πλεϋρες[7]	месност на Ј од Чели и на ЈИ од Доганџи[6]
Турлас[6] или Турлос	Τοϋρλος	Трулос	Τρούλος[7]	врв на Ј од Чели и на ЈИ од Доганџи[6]
Пелит[6]	Πελίτ	Плагијада	Πλαγιάδα[7]	месност на ЈИ од Чели[6]
Чам Дере	Τσάμ Ντερέ	Рема	Ρέμα[7]	река

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	—	—	—	—	—	—	779	647	546

Извор за 1940-1991 г.: Т. Симовски, Населените места во Егејска Македонија