Долнополошки срез

Долнополошки срез — административна единица, која опстојувала во Кралството Србија и Кралството Југославија.

     Долнополошки срез во рамките на Кралството Србија 1913.

Организација и население

Кралство Србија

После Втората балканска војна, 1913 г. областа службено влегува во границите на Србија. Долнополошкиот срез припаѓал на Тетовскиот округ, заедно со Горно-полошкиот, Поречкиот и Галичкиот срез. Како центар на срезот бил градот Тетово. Во 1913 година тој имал 20 општини, со 109 села, едно селце, еден град и еден манастир. Градското населние изнесувало 20.070, додека селското население изнесувало 53.669 жители.^[1]

Долнополошкиот срез според пописот од 1913 година

Број	Име на општината	Број на села	Колку часови е оддалечена општината од Тетово	Жители
1	Брвеничка	8	0:45	2804
2	Вратничка	3	5	1971
3	Групчинска	12	4	3439
4	Гораначка	4	8	1308
5	Доброшка	4	?[2]	3060
6	Долно-палчишка	10	1:30	6466
7	Жељинска	7	2	2350
8	Јажиначка	5	6:30	2109
9	Лешачка	3	1:30	1995
10	Милетинска	3	2	3160
11	Непроштенска	3	1	1219
12	Раотиначка	4	4	1766
13	Рогачевска	4	6	1972
14	Седларска	3	10	1268
15	Селачка	9	1	5154
16	Сенокоска	7	4:30	4714
17	Стенчанска	3	2	1987
18	Теарачка	4	2:45	2928
19	Џепчишка	4	0:30	2377
20	Шемшовачка	10	4:30	1622

Кралство СХС

Во 1921 година, срезот исто така имал 18 општини и еден град. Градот Тетово имал 15.115 жители, а тетовската околина имала 46.414 жители.

Јазик61573

Во градот Тетово, 47% од населението говорело српски или хрватски^[3], додека 42% говореле на турски јазик. Од другата страна пак, во тетовската околина 32% говореле на српски или хрватски, а најкористен јазик бил арнаутскиот^[4] (66%).^[5]

Јазици 1921 година

Јазик	Тетовска околина	Град Тетово	Вкупно	%
Српски или хрватски	14848	7120	21968	35.67
Арнаутски	30995	1298	32293	52.44
Турски	483	6432	6915	11.23
Други	128	269	397	0.66

Религија

Во градот Тетово 45% од населението било православно, додека 54% биле муслимани. Од другата страна пак, во тетовската околина 30% биле православни и 70% биле муслимани.^[6]

Религија 1921 година

Религија	Тетовска околина	Град Тетово	Вкупно	%
Православни	13826	6900	20726	33.66
Муслимани	32587	8193	40780	66.23
Други	1	26	27	0.11

Кралство Југославија

Во 1931 година, горно-полошкиот срез имал 19 општини и еден град. Тој бил дел од Вардарска бановина. Вкупното градско население било 16.359, додека селското население било 54.624. Целиот срез имал 70.983 жители. Како православни се изјасниле 32% од жителите, додека како муслимани 67%.^[7]

35% од жителите говореле на македонски, српски, хрватски или словенечки^[8], 53% говореле на арнаутски^[4] и 12% на друг јазик (тука се пресметани најголемиот дел од жителите кои говореле турски јазик).

Во ФНРЈ и СФРЈ

По Втората светска војна, Долнополошкиот срез се преименува во Тетовска околија.