Драгија Делиделвов

Драгија Г. Делиделвов е бугарски учител, чиновник, општественик и благодетел.^[1]

Драгија Делиделвов
Роден(а)	1863 Копривштица, Османлиска империја (денешна Бугарија)
Починал(а)	1928 Софија, Царство Бугарија

Биографија

Роден е на 23 ноември 1863 г. во Копривштица. Во 1884 г. завршил Класична гимназија во Софија. Работел како учител, а после тоа бил директор на четирикласното училиште во Копривштица. Во 1887 г. заминал за Гент, Белгија, каде што учел педагогија и одбранил докторат по филозофија, латинска и грчка литература во Гентскиот универзитет. По враќањето во Бугарија, во периодот 1891 – 1894 г., е учител во машката гимназија во Пловдив. Во 1894 – 1896 г. учителствува во Солунската машка гимназија,^[2] а од 1896 до 1900 г. во Софија.^[1] Во 1900/1901 г. е директор на Пловдивската машка гимназија.^[3] Во периодот 1901 – 1907 г. работи како главен инспектор во Министерството на народното просвештение. Тој е главен училишен инспектор и началник на училишниот оддел при Бугарската егзархија во Цариград (1907 – 1913) и главен секретар на Министерството на народното просвештение (1918 – 1920). Починал на 22 мај 1928 г. во Софија.^[1]