Дракула

Грофот Дракула (англиски: Count Dracula) — вампир, насловен лик и главен антагонист во романот „Дракула“ на Брам Стокер (1897). Како архетипски вампир, Дракула се појавил во многу дела од масовната култура што не се поврзани со романот. За некои гледишта на ликот се верува дека биле вдахнати од влашкиот војвода Влад III Цепеш од XV век, кој бил познат и како Дракула, но и од сер Хенри Ирвинг — глумец за кого Стокер бил личен помошник.^[3]

Гроф Дракула
Бела Лугоши како Дракула во филмот „Дракула“ од 1931 година
Прво појавување	Дракула (1897)
Создавач	Брам Стокер
Заснован на	Влад III Цепеш
Информации
Прекар	Зло Око Д. Драк Вештер Пекол
Вид	вампир немртов човек дампир врколак[1][2]
Пол	машки
Звање	војвода трансилваниски благородник вампирски крал

Потекло

Вдахновението за Дракула била вистинска историска личност — Влад III Цепеш, познат и како Дракула, од романски Dracul — „ѓавол“, господар на средновековното кнежевство Влашка.^[4] Некои истражувачи на делото на Стокер сметаат дека измислениот Дракула не треба да се поистоветува со влашкиот владетел, иако самиот роман содржи одвишок за можна самоличност, а во некои филмови оваа тенкост е целосно занемарена.^[5]