Еванта (месечина)

Еванта (старогрчки: Ευάνθη) или Јупитер XXXIII — неправилна месечина на Јупитер. Откриена е во 2001 г. од група астрономи при Универзитетот на Хаваи предводена од Скот Шепард, и ѝ е дадена привремената ознака S/2001 J 7.^[1][2]

Месечината има пречник од 3 километри и кружи околу Јупитер на просечна оддалеченост од 20.465 Мм, завртувајќи полн круг за 598,093 дена со наклон од 143° кон еклиптиката (142° кон Јупитеровиот екватор) со занесување од 0,2001.

Името го добила во август 2003 г. по Еванта, мајка на харитите (грациите) според некои старогрчки писатели.^[3]

Еванта ѝ припаѓа на Ананкината група сочинета од повратни неправилни месечини кои кружат околу Јупитер на растојание од 19,3 до 22,7 Гм при наклон од околу 150°.