Еванџелиста Торичели

Еванџелиста Торичели^[1] (итал. Evangelista Torricelli, 15 октомври 1608 - 25 октомври 1647 ) — италијански математичар и физичар, изумител на барометарот.

Еванџелиста Торичели
Портрет на Еванџелиста Торичели на насловната страна на книгата Lezioni d'Evangelista Torricelli
Роден(а)	15 октомври 1608 Фаенци, Италија
Починал(а)	25 октомври 1647 Фиренца
Познат по	барометар

Животопис

Торичели е роден во Фаенци, Италија. Иако потекнувал од сиромашно семејство, Торичели сепак студирал математика и му станал помошник на Бенедето Кастелиј, кој предавал на универзитетот „Сапиенца“ во Рим. Торичели преку Кастелиј стапил во контакт со својот идол Галилеј, кој го зел за помошник во 1641 година. Три месеци подоцна, по смрта на Галилеј, Торичели го наследил на местото дворски математичар кај големиот војвода Фердинанд I од Тоскана.

По него е именувана единицата за притисок во вакуум тор, попозната како милиметар на живиниот столб (mmHg).