Евпорија (месечина)

Евпорија (старогрчки: Ευπορία) или Јупитер XXXIV — месечина на Јупитер. Откриена е од група астрономи од Универзитетот во Хаваи под водство на Скот Шепард во 2001 година и му била дадена привремената ознака S/2001 J 10.^[1][2]

Евпорија има пречник од околу 2 километри и кружи околу Јупитер на просечна оддалеченост од 19.088 милиони киолемтри, правејќи круг за 538,78 дена со наклон од 145° кон еклиптиката (145° кон Јупитеровиот екватор) во спротивна насока со занесување од 0,096.

Месечината своето име го добила во август 2003 година по старогрчката божица на изобилството и една од хорите (со тоа и ќерка на Зевс) Евпорија.^[3]

Евпорија е највнатрешната месечина од широкораспространетата Пасифаина група.