Емерик

Емерик, познати и како Имре (унгарски: Imre, хрватски: Emerik, словачки: Imrich; 1174 – 30 November 1204), бил крал на Унгарија и Хрватска помеѓу 1196 и 1204. Во 1184, неговиот татко, Бела III, наредил тој да биде крунисан за крал, и го назначил за владетел на Хрватска и Далмација околу 1195. Емерик се искачил на тронот по смртта на неговиот татко. Во првите четири години од неговото владеење, се борел со својот бунтовен брат, Андреј, кој го принудил да го направил владетел на Хрватска и Далмација како апанажа.

Емерик
Кралски печат на Емерик
Крал на Унгарија и Хрватска
На престол	23 април 1196 – 30 ноември 1204
Крунисување	16 мај 1182, Естергом
Претходник	Бела III
Наследник	Ладислав III
Роден(а)	1174
Починал(а)	30 ноември 1204 (на 29–30 г.)
Почивалиште	Егер
Сопружник	Констанца од Арагон
Деца	Ладислав III
Династија	Арпади
Татко	Бела III
Мајка	Агнеса Антиохиска
Вероисповед	Римокатолик

Емерик соработувал со Светата Столица против Босанската црква, која Католичката црква ја сметала за еретичка. Искористувајќи ги борбите за престолот, Емерик ја проширил својата власт над Србија. Не успеал да ја спречи Венецијанската Република, која била потпомогната од крстоносците од Четвртиот крстоносен поход, да го заземе Задар во 1202. Тој исто така не можел да го попречи подемот на Бугарија по јужните граници на неговото кралство. Емерик бил првиот унгарски монарх кој ги користел „арпадовите ленти“ како свој грб и првиот кој ја усвоил титулата крал на Србија. Пред својата смрт, Емерик го крунисал за крал својот четиригодишен син, Ладислав III.