Живородни цицачи

Живородните цицачи (науч. Theria од грч. θηρίον = ѕвер) е поткласа на цицачи^[2] што раѓаат живи млади без да бидат сместени во јајце. Тука спаѓаат вистинските цицачи (плацентни цицачи) и нижите цицачи (торбарите и нивните предци). Единствената група цицачи што не припаѓа на оваа поткласа се едноотворните (Monotremes), кои младите ги несат во јајца.

Кенгур - торбар со младо

Живородни цицачи Период: рана Креда - денес
Научна класификација
Царство:	Животни
Колено:	Хордати
Класа:	Цицачи
Поткласа:	Живородни цицачи Parker & Haswell, 1897 [1]
Инфракласи
Вистински (плацентни) цицачи (Eutheria) Нижи цицачи (Metatheria)

Таксономија

Рангот „Живородни цицачи“ се разликува, зависно од системот на класификација. Системот во учебникот на Вон и др. (2000)^[3] ги наведува следниве групи:

Класа Цицачи (Mammalia) Поткласа Живородни цицачи (Theria) Инфракласа Нижи цицачи - торбари (Metatheria) Инфракласа Плацентни (вистински) цицачи (Eutheria)

Во горенаведениот систем, Живородните цицачи претставуваат поткласа. Според системот на Мекена и Бел (1997)^[4] тие се наткохорт под поткласата Живородновидни (Theriiformes):

Класа Цицачи (Mammalia) Поткласа Живородновидни (Theriiformes): живородни цицачи и нивните праисториски роднини Инфракласа Холотерии (Holotheria): денешни живородни цицачи и нивните праисториски роднини Легија Кладотерии (Cladotheria) Подлегија Затерии (Zatheria) Инфралегија Трибосфениди (Tribosphenida) Наткохорт Живородни цицачи (Theria) Кохорт Торбари (Marsupialia) Кохорт Плацентни цицачи (Placentalia)

Луо и др. (2002) имаат предложено друга класификација^[5] каде таксономските нивоа немаат рангови, туку користи чисто кладистички систем.