Заемно прости броеви

Заемно прости броеви – броеви кои немаат заеднички делител поголем од 1. Два природни броја не мора да бидат прости за да бидат заемно прости, битно е само ниеден делител на едниот не биде меѓу делителите на другиот.

Еквивалентно на претходното тврдење, најголем заеднички делител на два заемно прости броја е 1.

Значи, ако според основната теорема на аритметиката тие два броја се претстават како производи на нивните фактори:

${\displaystyle n=p_{1}\cdot p_{2}\cdot ...\cdot p_{i}}$

${\displaystyle m=q_{1}\cdot q_{2}\cdot ...\cdot q_{j}}$

тогаш ниеден ${\displaystyle p_{k}\,}$ не смее да биде еднаков на ниеден ${\displaystyle q_{l}\,}$.

Понекогаш заемно простите броеви се нарекуваат релативно прости броеви.

Поврзано

• Список на прости броеви
• Деливост
• Факторизација
• Ератостеново сито
• Евклидов алгоритам