Западен Брег

Западниот Брег, познат и како Јудеја и Самарија, — територија на Блискиот Исток на западниот брег на реката Јордан.

Западен Брег الضفة الغربية aḍ-Ḍiffah l-Ġarbiyyah хебрејски: הַגָּדָה הַמַּעֲרָבִית HaGadah HaMa'aravit[1]
Држави и територии	Палестина (Област А и Б) Израел (анексиран Источен Ерусалим) Област Б и Ц)
Главен град	Ерусалим / Рамала / Ариел
Население	3,284,787[2]
Област	5,655 km2 (2,183 ми)
Јазици	Палестински Арапски Модерен Хебрејски
Религија	Суни Ислам Џудаизам Христијанство Самарјанство
Часовни појаси	UTC+2
Валута	Шекел (ILS)
ISO 3166 code	PS IL

По распаѓањето на Османлиското Царство, оваа територија станува дел од Британскиот Мандат Палестина. По Арапско-израелската војна од 1948 година, Западниот Брег е освоен и припоен од страна на Јордан. Територијата останува под јорданска власт до 1967 година, кога во текот на Шестдневната војна, Израел го освојува Западниот Брег. Со исклучок на Источен Ерусалим, Западниот Брег не е припоен од страна на Израел.

Управување со Западниот Брег

Според Договорот од Осло од 1993 година, конечниот статус на Западниот Брег треба да биде предмет на иден договор помеѓу Израел и палестинската страна. Според привремениот договор, Изреал ги повлече своите воени сили од одедени делови од Западниот Брег, кој тогаш беше поделен на три области:

• Земја контролирана и управувана од Палестинците (Област А)
• Земја контролирана од Израел, но управувана од Палестинците (Област Б)
• Земја контролирана и управувана од Израелците (Област В)

Областите Б и В претставуваат најголем дел од територијата на Западниот Брег.

Демографија

Според проценките на Палестинското Биро за статистика, на крајот од 2006 година во Западниот Брег (вклучувајќи го и Источен Ерусалим) живеат околу 2,5 милиони Палестинци. На Западниот Брег има и преку 260.000 израелски доселеници, како и околу 185.000 доселеници што живеат во припоениот Источен Ерусалим.