Иван Минчев

Иван Минчев — македонски револуционер, учесник во македонското револуционерно движење, деец на Македонската револуционерна организација.

Иван Минчев
Роден	25 декември 1874 Ваташа, Македонија
Починал	24 ноември 1960 Софија, Бугарија

Животопис

Минчев е роден на 25 декември 1874 година во Ваташа, Тиквешко, тогаш во Отоманското Царство. Во 1895 година завршил при машката гимназија „Св. Кирил и Методиј“ во Солун и уште како ученик станува член на Македонската револуционерна организација. Го помага Даме Груев во Кавадарци во 1894, при основањето на револуционерниот комитет во овој град, прв комитет на целата територија на Македонија. Во периодот меѓу 1895 - 1903 година Минчев бил учител во Кавадарци и член на тиквешкиот околиски комитет на Организацијата. Бега во Софија по прогонот од турските власти. Потоа работел во Бугарската егзархија во Цариград. За време на Првата светска војна служел во бугарската воено-санитарна служба. Иван Минчев умира на 24 ноември 1960 година во Софија ^[1].