Индекс-каталог

Индекс-каталог (англ. Index Catalogue, IC) или Индекс-каталог на маглини (Index Catalogue of Nebulae), Индекс-каталог на маглини и ѕвездени јата (Index Catalogue of Nebulae and Clusters of Stars), IC I и IC II — каталог на галаксии, маглини и ѕвездени јата кој оди во прилог на Новиот општ каталог (New General Catalogue). За првпат е објавен во 1895 г., а денес има преку 5.387 објекти, наречени IC-објекти.

Составувач на каталогот е Јохан Лудвиг Емил Дрејер во 1880-тите, кој го објавил во два прилога (IC I^[1]& IC II^[2]) кон Новиот општ каталог. Во него се попишани галаксиите, јатата и маглините откриени во периодот од 1888 до 1907 г.