Исполини

Исполини или нефили (хебрејски: נפילים = „паднатите“) — библиски личности спомнати во Петокнижјето (првите пет книги на Стариот завет).^[1] Според некои богослови, тие биле синови на Сит, поради нивниот праведен начин на живот се нарекуваат синови Божји, а откако се смешале со ќерките на Каин, од нив се родиле џинови. Постои и верзија, изнесена во апокрифите, дека тоа се суштества родени од соединувања на ангели (синови на Севишниот) со смртни жени. Според друга верзија, исполините биле жестоки џинови што живееле во деновите на Ное. Тие се родени како последица на полови односи меѓу зли ангели и жени.^[2][3]

„Падот на бунтовничките ангели“ од Јероним Бос, заснован на Битие 6:1–4