Кажимјеж Фелешко

Кажимјеж Фелешко (полски:Kazimierz Feleszko; 18 септември 1939 - 2 јули 2001) бил романописец, македонист и славист^[1].

Казимјеж Фелешко Kazimierz Feleszko
Роден	Kazimierz Feleszko 18 септември 1939 Черњовице, Полска (денес Украина)
Починал	3 јули 2001 Варшава, Полска
Националност	Полјак
Познат	јазичар, македонист и славист
Занимање	професор, лингвист, издавач

Животопис

Фелешко е роден на 18 септември 1939 година во Черњовице, Татранска Буковина, што припаѓала на Полска, а денес се наоѓа во Украина. По војната неговото семејство било преселено на Шлеска во гратчето Прудњик. Таму ја завршува матурата и се запишува на Варшавскиот универзитет на славистички студии, во првата генерација студенти на групата српскохрватски. Целиот свој работен стаж д-р Фелешко го поминува на Славистичкиот институт на ПАН, Институтот за словенска филологија на Варшавскиот универзитет. Неговите интереси се свртени кон јужнословенските јазици и односите помеѓу полскиот и германскиот јазик. од големо значење се неговите трудови од областа на полско-македонската јазична конфронтација посветени на: дистрибуцијата на глаголите е/има – byc/miec, на безличната реченица во македонскиот јазик, за категориите вид и време кај македонските претеритни форми, за временските реченици во македонскиот јазик, за подредената реченица и функциите на ИС во македонскиот јазик и други. Прекрасно го познавал меѓу другите јазици и македонскиот јазик, како говорниот така и неговата структура. Работел во ПАН врз македонската синтакса (1962-1967) и потоа врз јужнословенската синтакса (1967-1979). Умира на 3 јули 2001 година^[1].