Казуар

Казуар припаѓа на родот тркачи кој ги населува тропските шуми на Нова Гвинеја, Источните Мали Сунди, Молучките Острови и североистокот на Австралија .^[1] Постојат три современи видови. Најчестиот од нив, австралискиот казуар, е трет по височина и втор по тежина современ вид на птица, помал е само од ној и ему.

Касовар како домашно милениче за време на експедицијата на Сибог во Индонезија и Нова Гвинеја, 1899-1900 година

Казуарите се хранат претежно со овошје, иако сите видови се сештојади и ќе земаат друга растителна храна, како што се фиданки и семе од трева, но исто така и габи, безрбетници и мали ’рбетници . Казуарите се многу внимателни во односот кон луѓето, но доколку бидат испровоцирани, тие можат да предизвикаат сериозни повреди на луѓето, вклучувајќи и смртни. Казуарот честопати бил прогласуван за најопасна птица во светот .^[2]

Систематика и класификација

Родот Casuarius го воспоставил францускиот научник Матирен Жак Брисо во 1760 година.^[3] Типски вид е австралиски или јужен казуар ( Casuarius casuarius ).^[4] Шведскиот природник Карл Лине го вклучил родот во шестото издание на својот Природен систем објавен во 1748 година ^[5] но го исклучил во важното десетто издание од 1758 година каде што тој го обедини касарот со нојот и големиот нанду.^[6][7]

Слика	Научно име	Распростанетост
	Casuarius casuarius	јужен дел на Нова Гвинеја, североисточна Австралија и островот Ару, претежно во низините [1]
	Casuarius bennetti	Нова Гвинеја, Нова Британија и Јапен, претежно на висорамнините
	Casuarius unappendiculatus	северниот и западниот дел на Нова Гвинеја и островот Јапен, претежно во низините [8]
(Изумрени) †	Casuarius lydekkeri	Фосил од плеистоцен познат од Нов Јужен Велс [9] и Нова Гвинеја [10]

Однос со луѓето

Некои општества од новогвинејските планини и висорамнини ги фаќаат младите казуари и ги одгледуваат како полупитома живина, за употреба во церемонијалните размени на подароци и како храна .^[11] Тие се единствените автохтони австралиски животни кои луѓето делумно ги припитомиле пред доаѓањето на Европејците.^[12]

Казуарите имаат репутација на опасни за луѓето и домашните животни. За време на Втората светска војна, американските и австралиските трупи стационирани во Нова Гвинеја биле предупредени да се чуваат од казуарите.