Калуѓер (планина)

Калуѓер или Калугер^[1] (грчки: Καλογκέριτ, албански: Kalogerit) — планина во Долна Преспа, на границата меѓу Албанија и Грција, односно македонските области Мала и Голема Преспа (егејскиот дел). Практично претставува срт на Сува Гора.^[2]

Калуѓер
Καλογκέριτ / Kalogerit
Калуѓер на карта
Највисока точка
Надм. вис.	1.480 м
Координати	40.7666°N 20.9512°E / 40.7666; 20.9512
Географија
Место	Долна Преспа, Егејска Македонија Мала Преспа, Албанија

Опис

Планината е сместена во Преспа, меѓу Големото Преспанско Езеро на север и Малото Преспанско Езеро на југ. Егејскиот дел на планината влегува во Националниот парк „Преспа“ и е вклучена во мрежата на заштитени подрачја Натура 2000. По планината минува албанско-грчката граница со граничните пирамиди бр. 1 - 10. Највисок врв е истимениот Калуѓер (1.480 м), кој е на албанска територија. На југ превојот Урида го двои од сртот Слива (гран. пирамида бр. 12).^[2]

Во геолошки поглед, планината е сочинета од варовнички карпи.^[2]

Врвови

Врвовите на планината, дадени по висински редослед,^[2] се следниве:

Име	Албански/Грчки	Висина (м)	Местоположба	Земја
Калуѓер	Kalugerit	1.480	во западниот дел
Коно	Κώνος, Κόνο	1.427	во источниот дел, гранична пирамида бр. 4	,
Лофка	Lofkë	1.408	во западниот дел
Церо		1.341	во средишниот дел, гранична пирамида бр. 3	,
Марица	Μαρίτσα	1.334	во источниот дел
Градо	Γκράντο, Μέγα	1.312	во источниот дел
Вицари Нивје	Βιζαρονίβιε, Βιζαράνια, Βιζαρόνιο	1.214	во средишниот дел, гранична пирамида бр. 2	,

Поврзано

• Сува Гора
• Мала Преспа