Кара Капуџу

Кара Капуџу (турски: Kara Kapıcı) — старо скопско маало.

     Местоположба на маалото во рамките на Скопје во 1899 година.

Местоположба

Маалото се протегало западно од џамијата „Ќазим Беут”. Јужно се наоѓало маалото Исмаил Војвода, додека пак северно било маалото Ибни Меџри. Од плоштадот Македонија било оддалечено 1180 метри североисточно.

Историја

Според опширните османлиски дефтери за населението на Скопската Каза од 1832/33 година, маалото било муслиманско, со 36 муслимански домаќинства. На овој попис биле забележани 86 мажи муслимани, со 12 новороденчиња. Исто така имало и 14 мажи муслимани коишто скоро се доселиле. Се проценува дека маалото во тој период имало 224 жители.^[1]

Сегашност

Денес најголем дел од маалото е под булеварот „Никола Карев” и улицата „Петре Георгиев”. Тука се наоѓа и пешачкиот мост за премунување на претходно споменатиот булевар.