Карпо (месечина)

Карпо (старогрчки: Καρπώ) или Јупитер XLVI — месечина на Јупитер. Бил откриена од страна на тим од астрономи од Хавајскиот универзитет, предводен од Скот Шепард во 2003 година и привремено бил назначен како S/2003 J 20^[2][3] додека не го добил своето име во почетокот на 2005 година.^[4]

Карпо

Откривање
Откривач	Скот Шепард и др.
Откриено	2003
Орбитални особености
Главна орбита полупречник	17,145 Гм
Занесеност	0,4316[1]
Орбитален период	458,625 дена
Наклон	56° кон еклиптиката
Физички особености
Среден полупречник	~1,5 км

Особености

Карпо е 3 километри (1.9 милји) во пречник и се врти околу Јупитер на просечна оддалеченост од 17.145 Gm (над само десет милиони милји) во период од 458.625 дена, со наклон од 56° на еклиптиката (55° до Јупитеровиот екватор), и со висока ексцентричност од 0.4316. Сите месечини што се подалеку од Јупитер отколку Карпо се повратни.

Име

Месечината го добила своето име во март 2005 година според Карпо, една од Хорите во митологијата и ќерка на Зевс (Јупитер).

Особености

Исто како Темисто, оваа месечината се чини дека е осамен член на единствена класа, што ја прави исклучително интересна. Орбиталниот наклон на месечините како оваа е ограничен од Козаи ефектот, откриен од страна на Јошихид Козаи во 1962 година. Овој ефект предизвикува периодична размена помеѓу наклонот и занесувањето на орбитата. Доколку наклонот е доволно голем, занесувањето може за возврат да порасне дотолку  што апсидата на месечината (наречена перизена во случајот на месечините на Јупитер) ќе биде во непосредна близина на Галилеевите месечини (Ија, Европа, Ганимед и Калиста). Месечината на крајот ќе се судири со некоја од овие или при непосредна средба ќе биде исфрлена целосно од Јовинскиот систем. Периодот на прецесија на апсидата (P_w) е долг 6,8 милиони години.