Киритимати

Киритимати или Божиќен Остров^[1] е атол во Кирибати. Атолот е дел од Линиските Острови. Атолот има вкупна површина од 322 км² и тоа го прави најголем корален атол во светот.^[2] Атолот има лагуна која е слична по површина со самиот атол. Периметарот на атолот е 150 км, додека брегот на лагуната се протега на 48 км.^[3] Киритимати зазема 70% од вкупната површина на Кирибати.

Киритимати Kiritimati
атол
Сателитска снимка на островот.
Координати: 01°52′N 157°24′W
Држава	Кирибати
Островска група	Линиски Острови

Карта на Линиските Острови.

Киритимати е една од првите територии на земјата која преминува во Новата Година. Во 1950-те Британците на островот извршувале јадрени тестирања, а жителите не биле евакуирани. Поради тоа населението било подложено на зрачење.

Демографија

Населението на островот во последните години се зголемило, од 2.000 во 1989 година на 5.000 во 2000. На островот има пет села, од кои едно е напуштено:

број	село	население (попис во 2005)
1	Табвакеја	1,881
2	Лондон	1,829
3	Банана	1,170
4	Полска	235
5	Париз (рушевини)	–
	Киритимати	5,115