Информбирото и Македонија

Информбирото во Македонија оставило силен печат во периодот по Втората светска војна, од 1948 до 1953 година.

Во периодот 1948-1963 година, кога се водеше евиденција за приврзаниците на Информбирото, во Македонија беа регистрирани 2.662 лица. Од лицата кои биле уапсени, осудени од страна на редовните и воените судови или упатувани на општествено-корисна работа, 5,42% односно 883 лица биле Македонци.^[1] Помеѓу осомничените и уапсените имаше многу истакнати личности, членови на АСНОМ, борци од НОБ и учесници во Шпанската граѓанска војна.

Помеѓу лицата кои беа репресирани како приврзаници на Резолуцијата на Информбирото се:

• Панко Брашнаров
• Павел Шатев
• Венко Марковски
• Петре Пирузе
• Владимир Полежиновски
• Богоја Фотев
• Иван Точко
• Александар Алексиев
• Трајко Мишковски
• Иван Дојчинов
• Ѓоре Велкоски
• Наум Веслиевски - Овчарот
• Кемал Аголи
• Бане Андреев
• Мино Богданов
• Бојан Зафировски

Голем дел од поддржувачите на Резолуцијата на Информбирото беа затворени во логорот на Голи Оток.