Александар Алексиев

Александар Алексиев — македонски поет, романописец, критичар, книжевен историчар и театралог.

Александар Алексиев
Роден/а	20 август 1929 Кочани, Кралство СХС
Починат/а	22 февруари 2006(2006-02-22) (возр. 76) Скопје, Македонија
Занимање	Писател

Роден е во Кочани на 20 август 1929 година. Завршил Филозофски факултет во Скопје. Бил директор на Радио Скопје, на Архивот на Македонија и професор на Факултетот за драмски уметности. Долгогодишен уредник на списанието „Современост“. Член на ДПМ од 1959 година.^[1] Една година бил затворен на Голи Оток, за што пишува во својот роман „Деветте круга на пеколот“.^[2] Почина на 22 февруари 2006 година.

Книжевно творештво

• Песни (1955)
• Основоположници на македонската драмска литература (студии, 1972)
• Војдан Чернодрински (монографија, 1974)
• Антон Панов (монографија, 1974)
• Македонската драмска литература (студии, 1976)
• Македонската драма меѓу двете светски војни (студија, 1976)
• Илинден и македонската драмска литература (студија, 1983)
• Низ литературното минато и сегашноста (студии, 1985)
• Љубов за љубов (монографија, 1994)
• Деветте круга на пеколот (роман, 2000)

Ги уредил собраните дела на:

• Војдан Чернодрински, во пет томови (1975)
• Васил Иљоски, во три томови (1979)

Награди

Добитник е на наградите: „11 Октомври“ и „Војдан Чернодрински“ и „Златно перо“ за преведувачка дејност.