Конечки Езера

Конечки Езера (познати и како Конче 1 и Конче 3) — вештачки езера во Лакавичко, во југоисточниот дел на Македонија. Сместени се на 1 километар од селото Конче, административно седиште на истоимената општина, каде што и се наоѓаат самите езера. Зафаќаат вкупна површина од 45.716 м², од кои поголемото зафаќа 24.412^[1], а помалото 21.304 м^2[2].

Конечки Езера
Поглед на едно од двете Конечки Езера
Координати	41°30′46″N 22°23′30″E
Вид	вештачко
Сливни земји	Македонија
Површина	{{Пб/Грешка во изразот: Непрепознаен интерпункциски знак „м“ |1=Грешка во изразот: Непрепознаен интерпункциски знак „м“ }}24,412 м2[1] и 21,304 м2[2] км2
Најг. длабочина	6 м[3] м
Зафатнина	20 мил. м3[3] км3
Надм. височина	600 м[3] м

Езерата служат за наводнување на околу 10 до 15 хектари обработливи површини, а целосниот капацитет на акумулирана вода во двете езера изнесува 20 милиони м³, додека мрежата за наводнување задоволува 90 хектари површина.^[3]

Езерата се создадени од околни извори, а истекот се користи исклучиво за наводнување и водата понира.

Историја

Поглед на едно од двете езера

Акумулациите Конче 1 и Конче 3 се создадени во 1961 година во близина на истоименото село со основна намена за наводнување на земјоделските површини. Вкупната бруто-зафатнина на езерото изнесува 20 милиони м³, од кои корисната зафатнина изнесува 16 милиони м³. Максималната длабочина на езерата е 6 метри.^[3]

Флора и фауна

Во двете акумулации се сретнуваат зелената, синозелената и пирофитната алга. Во двете езера присутни се следниве видови на риба: крап, плашица, клен, црвеноперка, лињак, караш и кркушка.^[3]

Во акумулацијата се сретнуваат и: ракови, жаби, водни желки и водни змии.^[3]

Туризам

Во текот на 2014 година, Општина Конче партерно ги уредила бреговите на езерата, со изградба на крајбрежни патеки, летниковци и средување на целата блиска околина.^[4]

Поврзано

• Крива Лакавица
• Лакавичко
• Општина Конче