Корјо-мар

Корјо-мар (корејски: 고려말, руски: Корё мар), или уште познат и како Корјо-мал или Горјо-мар, е корејски дијалект кој го употребуваат Корјо-сарам, етничките Корејци во поранешниот Советски Сојуз. Потекнува од хамќонгскиот дијалект и од други варијанти на североисточниот корејски јазик.^[1] Корјо-сарам често искажуваат препреки во разбирање на стандардниот корејски јазик, што станува полошо со оглед на големиот број Корјо-сарам кои го сметаат рускиот, а не корејскиот за мајчин јазик.^[2]

Корјо-мар не е често присутен во медиумите и не се изучува во училиштата. Поради ова, тој се смета за загрозен јазик.^[3]