Кос (остров)

Кос (германски: Koos) — најголем од неколкуте мали острови во Грајфсвалдскиот Залив, во сојузната покраина Мекленбург-Западна Померанија, Германија. Има површина од 772 хектари и максимална височина од само над три метри.^[1] Островот е во голем дел ненаселен природен резерват со ограничен пристап.^[2][3] Тој е одвоен од копното со Коскиот Залив и Коското Море (Kooser Bucht и Kooser See), два залива поврзани со тесен премин Бек (Beek).^[1]

Местоположбата на Кос (црвено) во поранешниот округ Источна Западна Померанија, во сојузната покраина Мекленбург-Западна Померанија

Во 1241, Барнута, кнез на Риген, го доделил Кос (тогаш Хостен (Chosten)) на манастирот Елдена (тогаш „Хилда“),^[4] подоцна станал посед на ханзеатскиот град Грајфсвалд, сместен неколку километри кон југ. Средновековниот бург бил наведен на островот, но не е потврден.^[5] Холандската населба од XVII век исчезнала во XVIII век. Кос е администриран од блискиот град Грајфсвалд.^[3]