Крстоарски манастир

Крстоарски манастир „Свети Христофор“ – православен манастир во близина на битолското село Крстоар, дел од Преспанско-пелагониската епархија на Македонската православна црква - Охридска архиепископија. Манастирот се наоѓа 1 км југозападно над селото Крстоар и околу 6 км од Битола.^[1] До манастирот може да се пристигне и од соседното село Буково од каде преку црквата „Воведение на Пресвета Богородица“, води пешачка патека. ^[2]

Крстоарски манастир

Поглед на манастирот
Информации
Манастир на:	МПЦ - ОА
Основан	1837
Посветен на	Св. Христофор
Епархија	Преспанско-пелагониска
Цркви	„Свети Христофор“
Личности
Место
Место	село Крстоар, Општина Битола, Македонија
Координати	40°59′22″N 21°20′29″E
Видливи остатоци	порта, црква, конаци, чешма
Отворен за јавноста	да
Други информации	(Буковска парохија)

Објекти

Црква

Главна статија: Црква „Св. Христофор“ - Крстоар

Поглед на влезот со фреската на Св. Христофор

Црквата во манастирот е подигната во 1837 година, а била обновена во 1926 година. Таа е еднокорабна градба, со петстрана апсида на исток и влезови во наосот од запад и север, а има и директен пристап во олтарниот простор од југоисток.

Над северниот влез е поставена мермерна плоча со кратка историја за храмот. На западниот влез е насликан медалјон со Св. Христофер кој го држи малиот Христос на рамо.

Конаци

Посебна градба во кругот на манастирот служела како конак.

За време на Првата светска војна во манастирот биле сместени трупи од војската на Антантата.

Историски фотографии

• 
• 
• 

Чешма

Во непосредна близина на црквата, на северна страна, се наоѓа чешма.