Куќа на Каневчеви (Струга)

Куќа на Каневчеви — стара куќа во градот Струга, прогласена за културно наследство на Македонија како претставник на македонската староградска архитектура.^[1]

Оваа статија се однесува на куќа во Струга. За истоимената куќа во Охрид, погл. Куќа на Каневчеви (Охрид).

Куќа на Каневчеви
Поглед на куќата
Општи податоци
Статус	споменик на културата
Вид	куќа
Стил	староградски
Град	Струга
Земја	Македонија
Завршена	XIX век
Технички податоци
Катови	2

Местоположба

Куќата е сместена во Струшката чарија, на левиот брег на реката Црн Дрим. Се наоѓа на улица „Браќа Миладиновци“ бр. 16.^[2] До неа е Спомен-галеријата „Вангел Коџоман“, а спроти неа е Спомен-домот на Браќа Миладиновци.

Историја

Куќата е изградена во XIX век. Била сопственост на Милица Канавчева. Според спомен-плочата до влезната врата, на 23 септември 1941 г. во куќата е одржан конститутивниот состанок на Месниот комитет на КПЈ за Струга и Струшко во присуство на народниот херој Кузман Јосифоски-Питу, чија биста стои до натписот.

Подоцна куќата прешла во сопственост на Народниот музеј „Д-р Никола Незлобински“.^[2] Денес во неа е сместена Средоземната академија „Браќа Миладиновци“.

На 7 декември 1954 г. и повторно на 28 јуни 2017 г. куќата е објавена за споменик на културата.^[2]

Поврзано

• Културно наследство на Македонија во Општина Струга