Мавровица

Мавровица (понекогаш нарекувано Орел) — вештачко езеро подигната на истоимената река во близина на селото Немањици, Македонија. Акумулацијата е создадена преку земјенонасипна брана со височина од 25 метри.^[1]

Мавровица
Поглед, од север, кон езерото во 2022 година
Координати	41°54′52″N 21°58′59″E
Вид	Вештачко
Главни приливи	Мавровица (Орелска Река)
Главни истеци	Мавровица (Орелска Река)
Сливни земји	Македонија
Зафатнина	2.800.000 м3 км3

Местоположба

Се наоѓа северно од градот Свети Николе, а јужно од селото Орел, но сепак влегува во атарските граници на селото Немањици.

Историја

Површен наод од керамика.

Местото „Доцноримска некропола“.

Местото има богата човечка историја при што како доказ се археолошките наоѓалишта. Пред создавањето на езерото, во стариот слив на реката Мавровица биле сместени наоѓалиштата: Алин Дол која била населба од младото камено време и античкоримското време. Дел од наоѓалиштето е на суво, додека дел е под вода;^[2] Мишевска Воденица која била вила рустика од античкоримското време. Тоа наоѓалиште е целосно под вода.^[3]

Особености

Езерото има волумен од 2,8 милиони метри кубни. Се користи за наводнување и водостопанство.^[1]

Езерото е познато риболовно одредиште, а ги има видовите на риба како: сом, крап, амур, лињак, костреж, клен, и црвеноперка, а најинтересно е дека во езерото има и слатководни медузи.^[4] На езерскиот брег се одржува и меѓународен риболовен натпревар во лов на крап со јадица на дно, „по шема“ фати и пушти.^[5]

Галерија

• 
  Јужниот дел на езерото
• 
  Јужниот дел на езерото
• 
  Средишниот дел на езерото
• 
  Северниот дел на езерото каде што е потопено наоѓалиштето Мишевска Воденица
• 
  Поглед на езерото
• 
  Поглед на езерото
• 
  Поглед на браната
• 
  Поглед на езерото