Македонски парламентарни избори (2011)

Предвремените парламентарни избори во Република Македонија се одржаа на 5 јуни 2011 година.^[1] Тие биле втори предвремени парламентарни избори од независноста на Македонија и втори предвремени парламентарни избори во низа. На овие избори првпат македонските државјани во странство избрале свои посебни пратеници (во изборните единици 7, 8 и 9), откако оваа можност била воведена со измените на Изборниот законик од октомври 2008 година.

Македонски парламентарни избори, 2011

2008 ← 5 јуни 2011 → 2014

123 мандати во Собранието 62 места за мнозинство Регистрирани 1.821.122 Излезност 63.48% ▲ 6,42%   Прва партија Втора партија Трета партија   Водач Никола Груевски Бранко Црвенковски Али Ахмети Партија ВМРО-ДПМНЕ СДСМ ДУИ Водач од 2003 2009 Последни избори 63 мандати 27 мандати 18 мандати Освоени места 56 42 15 Промена во местата ▼ 7 ▲ 15 ▼ 3 Добиени гласови 438,138 368.496 115.092 Удел 38.98% 32.78% 10,24%   Четврта партија Петта партија   Водач Мендух Тачи Руфи Османи Партија ДПА НДП Последни избори 11 мандати - Освоени места 8 2 Промена во местата ▼ 3 ▲ 2 Добиени гласови 66.315 29.996 Удел 5,90% 2,67%

Резултати од изборите по изборни единици      ВМРО-ДПМНЕ      СДСМ      ДУИ      ДПА      НДП

Премиер пред изборите Никола Груевски ВМРО-ДПМНЕ Избран за Премиер Никола Груевски ВМРО-ДПМНЕ

На изборите победи коалицијата предводена од ВМРО ДПМНЕ, која по изборите формирала нова Коалициона влада.

Учесници на изборите

На изборите се поднесени и прифатени 18 кандидатски листи, сите од политички партии и коалиции. Севкупно, на изборите учествуваат 53 партии. Од нив, 16 настапуваат самостојно, а 37 во коалициите предводени од ВМРО ДПМНЕ и СДСМ.

• ВМРО ДПМНЕ и Социјалистичка партија на Македонија, Демократски сојуз, Демократска обнова на Македонија, Демократска партија на Турците на Македонија, Демократска партија на Србите во Македонија, Сојуз на Ромите од Македонија, Обединета партија за еманципација, Партија на правдата, Странка на демократска акција на Македонија, Партија на Власите од Македонија, Партија за интеграција на Ромите, Бошњачка демократска партија, Демократски сили на Ромите, ТМРО, Нова либерална партија, Народно движење за Македонија, ВМРО – ДП, ВМРО – обединета, ТМОРО – Вардар – Егеј – Пирин, Македонска алијанса и ВМРО – Македонска.
• ВМРО Народна партија
• Демократска десница
• Демократска партија на Албанците
• Демократска унија на Албанците
• Демократска унија за интеграција
• Европска Партија на Македонија
• Либерално демократска партија
• Национална демократска преродба
• Национална демократска унија
• Нова демократија
• Обединети за Македонија
• Партија за демократски просперитет
• Партија на обединети демократи на Македонија
• Политичка партија Достоинство
• Социјалдемократска партија на Македонија
• СДСМ и Нова социјалдемократска партија, Партија за европска иднина, Либерална партија на Македонија, Движење за национално единство на Турците во Македонија, Српска напредна странка во Македонија, Партија за целосна еманципација на Ромите, Нова алтернатива, Сојуз на Титови леви сили, Партија за движење на Турците во Македонија, Демократски сојуз на Србите во Македонија, Демократски сојуз на Власите во Македонија, Партија на слободни демократи, Партија на пензионерите на РМ и Санџачка лига.
• Социјалдемократска унија

Изборен ден

Гласачко место 1975 во општина Тетово, 10 случаи на семејно гласање при што се искористени 21 гласачко ливче. Гласачко место 0823 во општина Зајас, тројца гласачи гласале без соодветна документација. Гласачко место 0816 општина Зајас, забележано е повеќекратно гласање во име на друг.

Резултати

Партија/Коалиција	Лого	Број на гласови	% на гласови	Пратеници	+/- (во споредба со пред распуштањето)
ВМРО-ДПМНЕ, Социјалистичка партија на Македонија, Демократски сојуз, Демократска обнова на Македонија, Демократска партија на Турците на Македонија, Демократска партија на Србите во Македонија, Сојуз на Ромите од Македонија, Обединета партија за еманципација, Партија на правдата, Странка на демократска акција на Македонија, Партија на Власите од Македонија, Партија за интеграција на Ромите, Бошњачка демократска партија, Демократски сили на Ромите, Трајно македонско радикално обединување, Нова либерална партија, Народно движење за Македонија, ВМРО-ДП, ВМРО-Об, Татковинска македонска организација за радикална обнова - Вардар - Егеј - Пирин, Македонска алијанса, ВМРО - Македонска		438.138	38,98	56	▼7
Социјалдемократски сојуз на Македонија, Нова социјалдемократска партија, Партија за европска иднина, Либерална партија на Македонија, Движење за национално единство на Турците во Македонија, Српска напредна странка во Македонија, Партија за целосна еманципација на Ромите, Нова алтернатива, Сојуз на Титови леви сили, Партија за движење на Турците во Македонија, Демократска партија на Србите во Македонија, Демократски сојуз на Власите од Македонија, Партија на слободни демократи, Партија на пензионерите на Република Македонија и Санџачка лига		368.496	32,78	42	▲18
Демократска унија за интеграција		115.092	10,24	15	▼3
Демократска партија на Албанците		66.315	5,90	8	▼3
Национална демократска преродба		29.996	2,67	2	▲2
Внатрешна македонска револуционерна организација - Народна партија		28.217	2,51	0	▬0
Нова демократија		19.958	1,78	0	▼4
Обединети за Македонија		17.081	1,52	0	▬0
Либерално-демократска партија		16.551	1,47	0	▼4
Достоинство		8.837	0,79	0	▬0
Демократска унија на Албанците		4.517	0,40	0	▬0
Партија на обединети демократи на Македонија		4.395	0,39	0	▬0
Социјалдемократска унија		2.270	0,20	0	▬0
Социјалдемократска партија на Македонија		1.807	0,16	0	▬0
Демократска десница		1.517	0,13	0	▬0
Национална демократска унија		470	0,04	0	▬0
Партија за демократски просперитет		277	0,02	0	▬0
Европска партија на Македонија		130	0,01	0	▬0
Вкупен одзив 63,5%		1.124.064	100	123	▲3

• Извор: Државна изборна комисија Архивирано на 18 јануари 2017 г.

Освоени мандати по политички партии

Иако мандати на изборите добија само 5 политички субјекти (две изборни коалиции и три политички партии), поради големината на коалициите предводени од ВМРО ДПМНЕ и СДСМ, во Собранието на Република Македонија свои пратеници добија 19 партии, а два пратеници влегоа во Собранието како независни. Од 19-те политички партии кои влегоа во Собранието, 11 добија по 1 пратеник.

Распределбата на мандатите по партии е следната:^[2]

Партија/коалиција		Мандати	+/-
Коалиција предводена од ВМРО ДПМНЕ	ВМРО ДПМНЕ	47	▼6
	Социјалистичка партија на Македонија	3	▬
	Демократски сојуз	1	▬
	Демократска обнова на Македонија	1	▬
	Странка на демократска акција на Македонија	1	▬
	Демократска партија на Турците на Македонија	1	▬
	Демократска партија на Србите во Македонија	1	▬
	ВМРО - Македонска	1	▬
Коалиција предводена од СДСМ	Социјалдемократски сојуз на Македонија	29	▲11
	Нова социјалдемократска партија	4	▲1
	Партија за европска иднина	3	▲2
	Либерална партија на Македонија	1	▬
	Движење за национално единство на Турците во Македонија	1	▲1
	Партија за целосна еманципација на Ромите	1	▲1
	Српска напредна странка во Македонија	1	▲1
	Независни пратеници	2	▲2
Демократска унија за интеграција	Демократска унија за интеграција	14	▼4
	Демократска лига на Бошњаците во Република Македонија	1	▲1
Демократска партија на Албанците		8	▼3
Национална демократска преродба		2	▲2
Вкупно		123	▲3

Освоени мандати по изборни единици

Резултати по изборни единици

Изборна единица	ВМРО-ДПМНЕ		СДСМ		ДУИ		ДПА		НДП
	Гласови	%	Гласови	%	Гласови	%	Гласови	%	Гласови	%
ИЕ 1	74,102	37.49%	69,429	35.12%	19,405	9.82%	10,295	5.21%	5,053	2.56%
ИЕ 2	66,450	36.55%	53,374	29.36%	24,273	13.35%	12,073	6.64%	3,923	2.16%
ИЕ 3	102,430	50.72%	73,349	36.32%	6,232	3.09%	452	0.22%
ИЕ 4	102,918	49.72%	89,516	43.25%
ИЕ 5	70,019	38.65%	64,984	35.87%	14,992	8.27%	7,529	4.16%	3,660	2.02%
ИЕ 6	22,219	14.38%	17,844	11.55%	50,190	32.49%	35,966	23.28%	17,360	11.24%
Вкупно	438,138	38.98	368,496	32.78	115,092	10.24	66,315	5.90	29,996	2.67
Извор: ДИК

Распределба на мандатите

Изборна единица	ВМРО-ДПМНЕ	СДСМ	ДУИ	ДПА	НДП	Вкупно
ИЕ 1	9	8	2	1	0	20
ИЕ 2	9	7	3	1	0	20
ИЕ 3	12	8	0	0	0	20
ИЕ 4	11	9	0	0	0	20
ИЕ 5	9	8	2	1	0	20
ИЕ 6	3	2	8	5	2	20
ИЕ 7	1	0	0	0	0	1
ИЕ 8	1	0	0	0	0	1
ИЕ 9	1	0	0	0	0	1
Вкупно	56	42	15	8	2	123
Извор: ДИК[3]

Реакции

Генералната оценка на некои од невладините организации кои го набљудувале гласањето била дека изборниот процес поминал мирно и демократски. Американскиот амбасадор Филип Рикер и евроамбасадорот Петер Соренсен за време на гласањето изјавиле дека од тоа што можеле да го видат на терен изборите се одвивале во најдобар ред.

Околу 60 граѓани пријавиле нерегуларности за време на изборниот ден до канцеларијата на Народниот правобранител. Најголем дел од поплаките се од граѓани кои не можеле да го најдат избирачкото место, но имало и пријави за притисоци и заплашувања.