Марко Христов

Марко Христов или познат како Мирче^[1](1879, Сопотница - 30 јули 1942, Сопотница) — македонски револуционер, учесник во македонското револуционерно движење, член и војвода на Македонската револуционерна организација, учесник во Илинденското востание.

Марко Христов Марков
Роден	1879 Сопотница, Македонија
Починал	30 јули 1942 Сопотница, Царство Бугарија
Познат	војвода на ТМОРО

Животопис

Четата на Војводата Христов

Марко Христов Марков е роден во 1879 година во демирхисарското село Сопотница, Македонија, тогаш во Отоманското Царство. Во 1902 година се приклучил во четите на Веле Марков и Ѓурчин Наумов.

Во Илинденското востание со својата селска чета учествувал во одбрана на Крушевската република.

Има неколку борби, кај месноста Кале, Бушева чешма и други. Во 1905 година бил четник во четата на Никола Карев и учествувал во борбата кај кратовското село Рајчани. Марко Христов починал на 30 јули 1942 година во родното село Сопотница, тогаш во рамките на Царството Бугарија ^[2].