Мелдоница

Мелдоница или Мелидони (грчки: Μελιδόνι) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 27 жители (2021).

Мелдоница Μελιδόνι
Мелдоница
Местоположба во областа Мелдоница Местоположба на Мелдоница во општината Горуша и областа Западна Македонија
Координати: 40°20.52′N 21°23.45′E
Земја	Грција
Област	Западна Македонија
Округ	Кожански
Општина	Горуша
Општ. единица	Лапчишта
Надм. вис.	&10000000000000590000000590 м
Население (2021)[1]
• Вкупно	27
Час. појас	EET (UTC+2)
• Лето (ЛСВ)	EEST (UTC+3)

Географија

Селото е сместено на левиот брег на реката Бистрица, околу 6 км североисточно од Лапчишта.^[2]

Историја

Во Отоманското Царство

Според грчка статистика од 1904 г. во Мелдоница живееле 60 Грци христијани.^[3] Сепак, овој податок не може да се потврди од други извори, знаејќи ја пристрасноста на грчките извори.

Во Грција

По Балканските војни во 1913 г. Мелдоница е припоена кон Грција согласно Букурешкиот договор. Истата година населението броело 87 жители кои во 1920 г. станале 90.^[2] Во 1920-тите во властите довеле едно грчко семејство од Турција со 9 лица.^[4] Така, во 1928 г. во Мелдоница е попишано 121 лице, кои во 1940 г. се накачиле на 151.^[2] Оттогаш наваму населението на селото бележи постојано намалување.

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	151	137	139	106	90	79	68	38	27

Извор за 1940-1991 г.: Т. Симовски, Населените места во Егејска Македонија

Културни и природни знаменитости

Цркви

• Црква „Св. Преображение“
• Црква „Воведение на пресв. Богородица“ — на излезот од селото, изградена во 1913 г.^[5]

Стопанство

Населението произведува тутун, жито и други земјоделски производи. Во помала мера застапено е и сточарството.^[2]

Поврзано

• Населица